१ जानेवारी

१ जानेवारी
नाम हे परमात्मस्वरूपच आहे.

• नाम म्हणजे भगवंताचे नाव.
• नाम हा जीव आणि शिव यांच्यातील दुवा.
• नाम हे साधन.
• नाम हे साध्य.
• नाम सगुण (भगवंत सगुणात आल्यामुळे).
• नाम निर्गुण (भगवंत सगुणातून गेला तरी शिल्लक राहिल्यामुळे).
• नामाचा आरंभ सगुणात.
• नामाचा शेवट निर्गुणात.
• नाम हा सत्संगाचा पाया.
• नाम हा सत्संगाचा कळस.
• नाम म्हणजे आपली वृत्ती व भगवंत यांना जोडणारी साखळी.
• नाम घेतल्याने वृत्ती सुधारते, चित्त शांत होते, निष्ठा उत्पन्न होते.
• नामाला स्वत:ची चव नाही. आपली गोडी आणि आवड त्यात घालावी लागते.
• इतर कितीही साधने केली तरी नामसाधन केल्यावरच आत्मस्वरूपाची प्राप्ती होते.
• नाम घेताना ते आपल्या कानांनी ऐकावे.
• नाम घेता-ऐकता स्वत:ला विसरून जावे.
• देवाचे देवपण (ओळख) त्याच्या नामात आहे.
• देहबुद्धी कमी होत गेली की नाम अधिक व्यापक आणि अर्थगर्भ होत जाते.
• नाम हे परमात्मस्वरूप आहे, हा शेवटचा अनुभव.
• अंत:काळी सुटणारी शेवटची वस्तू म्हणजे नाम असली पाहिजे.