१० जुलै

सद्‌गुरुस जावे शरण । संशयविरहित वृत्तीने घ्यावे नाम ॥
---------------------------------------------------------------
रघुपती कसा आहे? त्याला काय आवडते?

- ज्याचे अंतःकरण शुध्द आहे, ज्याचे आचरण शुध्द आहे, परमात्म्याबद्दल ज्याची वृत्ती शुध्द आहे, त्याच्यापासून दूर रघुपती राहत नाही (त्याच्याजवळ राहतो).
- जेथे नामात प्रेम आहे, तेथे पुरुषोत्तम प्रकटतो.
-----------------------------------------------------
विरक्ती (वैराग्य) आणि विवेक म्हणजे काय? त्यांचे महत्व काय? तो आपल्या अंगी कसा येईल?

- खरी विरक्ती म्हणजे राम ज्या स्थितीत ठेवील, त्यात ज्याची वृत्ती समाधान राखते, ती वृत्ती म्हणजे विरक्ती.
- जी वृत्ती रामाआड जे जे आहे, त्यापासून आपल्याला दूर ठेवते तिच्यामुळे विवेकाची प्राप्ती होते.
--------
साधकाने काय करावे?
- आपली वृत्ती फार विषयी होऊ देऊ नये.
- चित्ती रघुवीर चिंतावा.
- विषयाकार वृत्ती होऊ लागली की तेथे सारासार विचार राहत नाही. अभिमान बळावतो, अनुसंधान राहत नाही. म्हणून जे जे पाहावे ते ते रामच आहे अशी वृत्ती ठेवावी. एक रघुनंदन चित्ती आणावा.